ஏட்டிலே கவி காட்டியே - எனை
பாட்டிலே ஊறிட வைத்தவள்
ஊட்டியே தமிழ் நாட்டியே எனை
மரபாக்கியே மகிழ் வித்தவள்

சூட்டுவேன் மலர் ஏற்றுவேன் - உனை
பாட்டிலே பறை சாற்றுவேன்
காட்டிலே கன்று மாட்டியதை - புகழ்
நீட்டிட நேர்த்தியாய் வைத்தவுனை

நாவிலே கலை தூவியே -என்
பேதமை போயிட வைத்திடுவாள்
பாவிலே தமிழ் கூவிட - வெண்
தாமரை நாயகி ஏவிடுவாள்

மலர்வடிவம் அவள் திருவதனம்-பலர்
நிலை குலையும் தளிர் மறுவுருவம்
பல மலையுயரம் அவள் அருள் நிறையும்
கலைக் காதலியே உனைப் போற்றுகிறேன்