கறுப்பாயிருப்பானோ? - இல்லை
கற்கண்டுக் கலர்போல
எடுப்பபரிருப்பானோ?
வேட்டி அ ணிந்தவனோ - விரல்
நீட்டிக் கதைப்பானோ?
பாட்டி அருகிருந்து  - கதை
கேட்டு வளர்ந்தவனோ

என்ன மொழியில்
எப்படி அவன் கதைப்பான்
தின்ன வழிக்காக
என்ன தொழில் அவன் செச்வான்?

ஆறடி இருப்பானோ?
நூறடி இருப்பானோ?- இல்லை
ஆண்டாரையும் தாண்டி
ஆகாயம் தொடுவானோ?

மச்சம் உண்பவனோ? - அவனுக்கு
இச்சை மரக்கறியோ?
எச்சியிலை நான் உண்ண
மிச்சம் வைப்பானோ?

தொப்பை வளர்த்தவனோ?
குப்பை எடுப்பவனே?- இல்லை
மப்புப் போட்டுவிட்டு  - ரோட்டில்
மல்லாந்து படுப்பவனோ?

கல்வி கற்றவனோ? - அது
இல்லை என்பானோ
தொல்லை தருபவனோ - இல்லை
தொடர்ந்து வருபவனோ?

எனக்காக அப்பன்
பார்த்த மாப்பிள்ளை
எப்படியிருப்பானோ?